Uri Batzarrak aho batez babestu du herriarekiko konpromisoa, kudeaketa-esperientzia eta Berrizen etorkizunarekiko begirada gaztea uztartzen dituen hautagaitza.
29Maiatzak Berrizko EAJ-PNVk Beñat Aguado Martinez aukeratu du 2027ko maiatzeko udal hauteskundeetarako Alkategai. Aho batez hartu dute erabakia, gertuko hautagaitza baten aldeko apustu garbia eginez, begirada gaztea eta udalerriaren etorkizunarekin konprometitua.
Hautagai izendatu ondoren, Beñat Aguado Martinezek “emandako konfiantza” eskertu nahi izan du, eta etapa berriari “ilusioz, arduraz eta Berrizen alde lanean jarraitzeko gogoz” aurre egiten diola adierazi du. Azaldu duenez, bere lehentasun nagusietako bat berriztar gazteei etxebizitza eskuratzeko aukera erraztea izango da, etxebizitza babestua eta eskuragarria bultzatuz, eta udalerriko gune zaharrenak berritzen eta hobetzen aurrera egitea, Berriz irisgarriagoa, erakargarriagoa eta etorkizunerako prestatuagoa izango dela bermatzeko.
Hautagaitza horrekin, Berrizko EAJ-PNVk berrikuntza, kudeaketa-esperientzia eta erantzukizunean, etengabeko lanean eta begirada gaztetik herriarekiko konpromisoan oinarritutako politika egiteko modua uztartuz egingo dio aurre hauteskunde-ziklo berriari. “Gertuko gobernu eredua defendatuko duen hautagaitza da, udalerriko auzo eta pertsona guztien errealitateari itsatsita dagoena”, azpimarratu dute. Era berean, udalerriko txoko guztiekin duten konpromisoa nabarmendu dute, hirigunetik hasi eta Andikona, Eitua, Murgoitio, Okango, Sallobente edo Sarria bezalako auzo eta guneetara arte.
Herriaren gizarte eta elkarte-bizitzari betidanik lotua
Berrizen jaio eta hazia, 29 urte ditu Beñat Aguado Martinezek, eta bertatik bertara ezagutzen ditu herriaren errealitatea eta familia eta pertsona gazte askok Berrizen bizi proiektua garatzeko dituzten erronkak. Udalerriko bizitza sozial eta asoziatiboarekin betidanik lotuta, Berrizko bizitza publikoan eta auzo-bizitzan inplikazio-ibilbide luzea duen familia batetik dator. Gaur egun, Automatizazio eta Robotika Industrialeko ikasketak amaitzen ari da, eta hainbat urtetan hainbat lan-esperientziarekin uztartu ditu, hala nola aisialdi hezitzailearekin, bezeroarentzako arretarekin edo automobilgintzarekin.
Oraingo legegintzaldian, hautagaia Udaleko Antolaketa Batzordeko buru da, Ogasun arloaz arduratuz eta aurrekontuak, ordenantzak eta udal kudeaketa ekonomikoan parte hartuz. Gainera, Berrizko Gaztedi Kultur Taldeko presidentea da.
