Alderdi jeltzaleak Zallak aurrera egiteko eta bere potentzial osoa baliatzeko bultzada eta ekimena berreskuratuko dituen hautagaitzaren alde egin du.
23Irailak Zallako EAJ-PNVren Uri Batzarrak aho batez hautatu du Unai Sainz-Ezquerra Galarraga 2027ko udal hauteskundeetarako Alkatetzarako hautagai. Sainz-Ezquerra Galarragak erronka berri honi ekingo dio, Zallan aldaketa bultzatzeko eta udalerriari ekimena berreskuratu eta aurrera egitea ahalbidetuko dion proiektua martxan jartzeko helburuarekin.
Zallako EAJ-PNVrentzat, udalerriak dinamismoa berreskuratu eta bultzada faltak markatutako etapa bat atzean utzi behar du. “Zallak gaitasuna, baliabideak eta aukerak ditu, baina horiek aktibatu egin behar ditugu. Zalla bizia, ekimenduna eta etorkizuneko proiektu argia duen udalerria nahi dugu, gure herriak eskain dezakeen potentzial guztia baliatuko duena”, adierazi du hautagaiak.
Alderdi jeltzaleak gertutasunetik eta plangintza argiarekin lan egiteko beharra defendatzen du, zallarren beharrak eta udalerriak dituen erronkak ardatz hartuta. Helburua jarduera berreskuratzea, aukera berriak sortzea eta talentua, jarduera ekonomikoa eta proiektu berriak erakartzeko eta bertan mantentzeko gaitasuna duen udalerria egitea da.
“Potentzial handia duen Zalla aktibatu behar dugu, baina berriro anbizioa eta norabide argia behar dituena. Nire esperientzia eta gogoak helburu horren zerbitzura jarri nahi ditut, gure herritarrekin gertutik lan eginez eta Zallak behar duena entzunez”, adierazi du Sainz-Ezquerra Galarragak.
Profila
Unai Sainz-Ezquerra Galarraga industria-ingeniaria da, eta 20 urte baino gehiago daramatza Siemens Gamesan bere jarduera profesionala garatzen. Euskalduna eta bi semeen aita, bere ibilbide profesionala, bai eta industria- eta enpresa-ingurunea ezagutzea ere, orain Zallaren eta bertako herritarren zerbitzura jarri nahi duen esperientziaren parte dira.
Hautagai jeltzalearentzat, erronka honi ekiteak aurrerapauso bat ematea ere esan nahi du, bere esperientzia profesionaletik eta udalerriaren errealitatearen ezagutzatik abiatuta. “Erantzukizun hau ilusio handiz hartzen dut. Zallak bultzada berreskuratu behar du, eta nire ekarpena egin nahi dut horretarako, lanetik, gertutasunetik eta gure herriarekiko konpromisotik”, amaitu du.
